人间桑果四月天，试问边度最新鲜。
鲜甜可口难寻觅，舍得桑果你身边。
——《桑果四月天》
”见到咁Q正嘅桑果有冇觉得心郁郁？想唔想一啖食晒佢哋落肚？如果你话冇，我谂，你十成喺度讲紧大话。
见到这些肥肥美美的走地鸡，脑海里面就自不然浮现出一盘啖啖肉、白雪雪的手撕鸡。何解如此？？皆因他们自小食桑果大，那么为何食桑果会鸡大十八变？等我话你知喇！
副标题，见唔见？民间神仙草！点，个朵够响唔够响呀？够唔够chok？而第二段嘅功效简直係数不胜数，实在係令人眼花缭乱，五个字总结下啲优点，就係——正到冇朋友！
舍得桑果乐园
舍得桑果园
3月18号耀世登场！
“这个桑果园有多厉害？超过亩的生态种植果园，迄今全顺德规模最大的桑果生态园。
佢坐落于大良碧桂路旁，远离都市嘅烦嚣以及密集人群嘅喧闹，望住大片大片嘅桑果田，实在係令人非常之心旷神怡同埋精神爽利！如果你想拍下拖仔，或者係谂住一家大小过个美好嘅周末，唔去呢度去边度？！
”有咩着数？
门票仅售30蚊/人
入园之后任摘任食
打包更低至20蚊/斤
门票包含10蚊餐饮消费劵
有咩用？
园区内设有农家乐餐饮，加埋成60围台，大拿拿10个包间，多多朋友都坐得落
大家跟贴啲！我哋要入去兜返转喇！因住荡失路呀咁多位！
咁大片嘅桑果园，足足有几亩，桑果产量甚至高达10几万斤！桑果生得密密麻麻，随手一摸就有几粒喺手，都唔知搵几多人来摘先摘得晒！
老细带住我哋一路行就一路摘，一路摘就一路食。而呢啲紫紫地橙橙地色嘅桑果就係偏向于酸酸甜甜，而我就钟意食紫色嘅，因为佢代表已经完全成熟，相对冇咁酸！
如果我钟意甜咁点算呀？
阿娇话斋：冇有使惊！有白桑果！
大家有冇发现呢啲桑果係咪浅色一啲呢？冇错喇，老细话畀我哋知，呢啲桑果係佢哋园区自主研发嘅，唯此一家别无分号，稍嫌黯淡嘅外表丝毫掩饰唔到佢饱满嘅颗粒。
佢饱满得来，食起身真係劲甜！小编从第一啖开始就食得唔停口！如果唔係怕食晒我就真係食到几时！而且呢种白桑果热量唔高，老少咸宜！不愧为自主研发嘅好嘢，冇得顶！
有冇其他嘢食喇？
梗係有喇！好丰富?！
“桑果酒，甜流流。饮入口，甜上头。
桑叶茶，带回家。赠亲友，笑开花。
桑果乾，好Q爽。食多旧，唔使唞！
”诸如此类呢啲舍得桑果园嘅副产品，特别係桑果酒，因为佢係水果酒之中嘅极品，具有滋补、养身及补血之功效。
饮用后，不但可以改善女性手脚冰冷毛病，更有补血、强身、益肝、补肾、明目等功效。
实在係送礼佳品，居家必备嘅上等嘢！
行到攰攰地，点算？
隔离就有同名农庄——舍得桑果农庄喇！
只需稍移玉步，就可以食得到好嘢！
唔係下午点有力继续玩转桑果园呀？
镜头唔该望呢度
舍得桑果农庄
大家都攰喇！肚又饿，肯定要食返餐劲嘅来补充一下体力，桑果园入边嘅呢间舍得农庄，入边菜式丰富，好多菜式都加入桑果叶或者桑果去煮，另有一番风味
美味反鸡翼
炸鸡翼好有吸引力
呢一味菜做法好特别，将一只鸡中翼去除骨头，将中间大骨扯出来再去炸。
配上自制桑果酱，上碟直接捉住条骨食。
食起身香脆可口，点少少桑果汁味道酸酸甜甜，钟意吃炸鸡嘅朋友肯定唔可以错过。
特色鲜花椒蒸桂花鱼
鱼嘴雕花，鱼中桂花
蒸桂花鱼平时我哋大多数人用生姜去腥味。
不过呢道菜加上新鲜花椒去除鱼腥味，
而且花椒有散寒、除湿等功效。
吃起身无鱼腥味，肉质鲜，少许麻，
对于钟意食鱼嘅人你有口福喇！
神汁骨
听个名就够晒霸气
神汁骨，斋听名好特别，
皆因桑叶古人誉其为东方神叶。
佢係用压榨出来嘅桑叶汁
将新鲜排骨完全浸入味之后攞去炸。
食起身香脆之余带一股清淡嘅桑叶味，
味道好in好特别，推荐大家去试一下。
桑果鸡
由细到大食桑果大嘅走地鸡
高卡贵格又弹牙
好多人食鸡之前，都会问“只鸡边度来架”？
而今日你面前嘅呢只桑果田园鸡就巴闭喇！
由细到大食自家桑果长大嘅走地鸡，
肉质结实，健康，有鸡味。
加上传统手撕鸡做法，
鸡皮爽脆，肉质厚实，另有一番鸡味。
鲍汁自制豆腐
自制豆腐，别有一番风味
加鸡蛋黄豆自制出来嘅豆腐，
然之后攞去低温炸至金黄色，加上鲍汁，
上面铺上一层芝麻，
有别于我哋平时食嘅日本豆腐，食起身香滑嫩，好似初恋嗰时食人哋豆腐嘅感觉。
神汁浸鱼腐
桑叶汤，清甜，桑叶香
新鲜桑叶加上鱼腐煮成汤，
一摆上枱就闻到一阵桑叶嘅清香味！
鱼腐带一股淡淡桑叶味，汤底清甜。
自然嘅桑叶香势必会令你多饮几碗汤，
而且可以消消各位嘅食滞。
桑果炒蚕蛹
特别味道
炒蚕蛹，一种药用菜名，主料为鲜蚕蛹。
据记载有“和脾胃，去风湿，长阳气”的作用。既为人体提供丰富的营养成分，
又具有和脾胃、消疳积的功效。
民间用以治疗
小儿疳积、消瘦、脾胃虚弱等症。
佢仲具有消除疲劳、提高性机能的作用。
传统炒蚕蛹加上新鲜桑果去炒，食起身乾香，微微带点桑果味。
野鸡卷拼桑叶炒牛奶
顺德名菜配神叶
传统顺德名菜野鸡卷炒牛奶基础加上桑叶丝，食起身香滑可口！
浓浓牛奶味配以桑叶丝，
一样的顺德情怀，不一样的感觉！
凤城炒什锦
多丝齐齐炒
肉丝，芋丝，桑叶丝，椒丝，韭黄丝等
一齐炒，味道多样，香脆可口。
猪笼入水
饮烧酒者最爱
其实，佢咪就係鲜炸猪颈肉啰！
刚上菜时就畀呢道菜嘅名
同埋个卖相吸引住我嘅眼球！
食起身干香，香脆，稍甜，
适合小朋友或者钟意饮白酒嘅人食！
食完第一啖，我就彻底爱上咗呢只猪！
精美地瓜丸
远睇似鱼蛋，实质係地瓜
炸地瓜丸子，加上桑叶衬托底盘。
新鲜嘅地瓜自家种植，食起身香，脆，甜！
对于钟意食甜嘅小编来讲真係再适合不过！
古语有云：独食难肥。
有好嘢我点可以收收埋埋架！
即刻话你哋知点去！
Tips?医院红绿灯路口往北滘伦教方向入碧桂路辅路约米望右即见，或地图导航搜索“舍得桑果园”
?
▲桑果园联系人
苏小姐
▲农庄联系人
梁先生
-
预览时标签不可点收录于话题#个上一篇下一篇